Fondyans Kemeneth Kernow

Fondyans Kemeneth Kernow (The Cornwall Community Foundation) a weres dhe gemenethow yn Kernow ha Syllan dre ri grontow byghan dhe gowethasow gwerinek, voward ha ledys gans bodhogyon, neb usi ow kul effeyth posedhek y’ga arlotteth, ow kweres fetha an chalenjys ma a anles, ekskludyans ha boghosogneth rag tus a bub oos.

Y’n vledhen 1999 bagas a skoodhyoryon a selyas an Trest Anserghek Kernow (The Cornwall Independent Trust), wosa aswon an edhom a ri lev dhe’n dus y’n gemeneth esa ow pewa yn-dann strivya, ha fondya fenten anserghek a arghasans rag omweres yn Kernow ha Syllan. Y’n vledhen 2003 an Arghas eth ha bos Fondyans Kemeneth Kernow (FKK), ow pesya gans an ober ma ha skoodhya ober dhe wellhe adhyskans, yeghes – ha korfek ha brysel; ha’n difres a voghosogneth ha kleves. FKK re ros £13m dhe’n gemeneth dres an 19 bledhen kyns, moy ages 6000 ragdres leel re dhegemeras les yn Kernow hag Enesek Syllan.

Avel fondyans, y’gan beus an konykter ha skians leel rag gweres riysi dhe skoodhya an kawsys leel hag alusennow yw a vri dhedha, may hallons gul effeyth strekys der aga donesonow. Ni a aswon maters yw posek dh’agan riysi hag a-barth dhedha y ren grontow byghan dhe gowethasow gwerinek, voward ha ledys gans bodhogyon – ow kul dyffrans gwir dhe vewnansow tus a-hys Kernow.

Avel kowethas anserghek ni a wra fydhya war agas donesonow dh’agan arghasa ha ni a bes displegya, mentena ha kressya agan gallos dhe ri grontow, rag bagasow kemenethek hag unigynnow yn Kernow.

Alusen govskrifys on ni (1099977)
Kowethas finwethys dre vewgh on ni (4816191)